انتقد المخرج مجدي الهواري تباطئ اجراءات التفاوض التي يجريها اللاعب العالمي المصري محمد صلاح حول تعاقده الجديد في الدوري الانجليزي.

مجدي الهواري لمحمد صلاح:«الجمهور هيرميك بالبيض»

وكتب الهواري عبر حسابه الرسمي على موقع فيسبوك موجها حديثه إلى صلاح «إلى محمد صلاح، أنت في خط، لو الجمهور اللي عملك أغاني بإسمك قلب التربيزة عليك هيرموك بالبيض ..هيروح منك كل حاجة دوري وأبطال أوربا حتي لقب الهداف» .

وتابع :«انت حولت الدوري الانجليزي إلى بورصة مش كورة !، وده في صالح المنافسين».

واستطرد الهواري وفقا لما ورد هنا :«احسم وخذ قرارك وبلاش هيصة كتير كده! مفيش حد من اساطير الكورة في العالم فضل كل ده هري في المفاوضات علشان ياخد قرار !! امشي.. اقعد اعمل اللي انت شايفه، بس خد قرار، بلاش تحول تاريخك إلى صفقة ممكن تكسب وممكن تخسر بلاش إللي حواليك يخلوك محدث نعمة».

الهواري لـ«صلاح»:«بنشجع كورة قبل ماتتولد»
واختتم الهواري :«لو انت نجم عالمي، احنا بنشجع كورة عالمية قبل مانت تتولد».

وتفاعل متابعي مجدي الهواري مع مااورده وكتب متابع :«بجد محمد صلاح في مرحلة صعبة في مشواره ياريت نقف جنبه لو احنا بنحبه ونفسنا اننا نشوفه احسن الناس، مش هنمسك لبعض على كل فعل هو بيعمله ده لحم ودم واكيد مش كل إلى بيعمله هيجي على مزاجنا، ولا هو بمجرد أن تخطئ ينسى الجميع انك كنت رائعا وأنهم كانوا يصفقون لك يوما ما».

وانتقد آخر :«اديك قولت أنه حول الدوري لبورصة صلاح يستاهل أكتر من الرقم اللي بيطلبه أصلًا ولو الإدارة محققتش اللي هو عايزه تبقي تشرب بقا !،يا راجل ده زينشينكو مدافع السيتي اللي مبيلعبش اصلا بياخد اكتر منه !«.