علق الإعلامي عمرو أديب على خسارة فريق الزمالك أمام نظيره بيراميدز في نصف نهائي بطولة كأس مصر بركلات الترجيح، اليوم الإثنين.

وقال «أديب» في تعليق عبر برنامجه «الحكاية»، الذي يعرض عبر قناة «إم بي سي مصر»، مساء الإثنين، إن نادي الزمالك في أسوأ ظروفه كان بطلًا للدوري الممتاز.

وأضاف: «إيه اللي بيحصل؟! مش ده شيكابالا مش ده زيزو، وعلى مدار الأيام اللي فاتت في أحداث غريبة تحسسك إن اللعيبة معندهاش اهتمام ولا تصميم».

وتابع: «مش عايز أقول كلام يضايق، لكن في النهاية مفيش روح، إحنا حاسين إننا بنلعب كده وخلاص، اللاعيبة ناقصها إيه، بياخدوا أحسن أجور وعندهم أعظم جمهور وواخدين الدوري سنتين ورا بعض».

وأشار «أديب» إلى أن الزمالك سيواجه الأهلي في المباراة المقبلة بالدوري الممتاز، معلقًا: وفقا لما ورد هنا «لو اتغلبنا من الأهلي، خلاص انتهينا، بقى في مسافة بينا، هنافس مع فيوتشر وبيراميدز على المركز الثاني والثالث، ونرجع تاني لنفس الحكاية اللي الزمالك ابتدا ينساها، فكرة الوصيف والبديل، الحاجات دي كانت انتهت».